# Epigram.Praef

Dum sacris mentem placet exercere loquelis, 
  Coelestique animum pascere pane iuuat: 
Quosdam, ceu prato, libuit decerpere flores, 
  Distinctisque ipsos texere uersiculis. 
Vt proprias canerent epigrammata singula causas, 
  Et pars quaeque suo congrueret titulo. 
Nec nostrae hoc opis est, sed ab illo sumitur hic ros, 
  Qui siccam rupem fundere iussit aquas. 
Vt quod in affectum cordis, pietate magistra, 
  Venerit, hoc promat carmine laeta fides.