# Epigram008 Exueret Deus ut tetra caligine mundum, Doctrinae accendit lumen apostolicae: Quae nullis animis, nullis non congruit annis, Lacte rigans paruos, pane cibans ualidos. Non tempus, non sexus huic, non causa resistit, Omnes curat, alit, iustificat, uegetat. Sumite quae magnae apposuit Sapientia mensae, Et uariis pasci discite deliciis. Quarum pars totum est epulum, et quo quisque iuuatur, Inde capit uitam, quam parit una fides.