Nulla anima est, quae non mortali carne grauetur, Nec de corporea conditione gemat. Sed confirmare inualidam, et frenare rebellem, Legitimum et proprium est mentis opus dominae. Quae ius naturae, ut moderamine temperet aequo, Et subdat sceptris noxia quaeque suis, A Domino auxilium, et uires petat, ut ualeat se Vincere, nec sensus incitet ipsa suos. Nam nullos famulae poterit compescere motus, Ni fuerit Christi semper amore potens.