Principium mundi Deus est, quo cuncta mouentur, Et quae permittit, uel iubet auctor, agunt. Hinc mutabilium rerum immutabilis ordo, Aeterni seruit legibus artificis. Inque suos fines procedit quaeque uoluntas, Nec uariis meritis arbiter aequus abest: Corda regens, uires tribuens, peccata remittens, Mitis subiectis, implacidus tumidis. Vt nec poena malum quemquam, nec gloria iustum Suscipiat, nisi cum laude et honore Dei.