Vtile prudenti est mundana aduersa cauere, Et quod uitandum prospiciat, fugere. Sed cum peccati merito manus Omnipotentis, Omnia concludens arctat ubique reum: Vnum profugium tutum est Deus ipse timenti, A quo discedens, ne pereat, redeat. Conuerti namque ad Dominum certissima uita est, Et pacem offensi quaerere, sola salus, Qui terret, parcit; qui percutit, ipse medetur. Viuere uis, illi subdere, quem metuis.