# De nuptiis 2.120

Tandem laboris fructus aethram fulgidam
Diuumque sedes ac Iouis consortia
Prouecta carpis inditoque numine,
Cruenta dudum quae iugare rhytmica
Ac dissipare mixta sueta regula,
Mox quid iacente, quid iugata linea
Trigonus recuruet circulusque torqueat,
Melos probare ac tonos et crusmata
Artisque cunctas solita, quaeque caelitum
  Possunt parare mente adacta culmina.