Expleta cursim syllabarum pagina est; Iuganda demum uerba. nam probabilis Hic ordo rebus, quique disgregabitur In bina demum. prima nam proportio Dicenda, Graii analogiam quam uocant. Ac mox repulsa quae nouantur regula Vulgoque docti quae anomala nominant, Bis quarta fandi quis paratur portio, Vel uulneratur ductus oris integer, Quantumque solo inditum libellulo Potest probare serium fastidium.