# Hexameters on the coronation of King Edgar from his Chronicon

Annis sextenis siquidem per regna meatus,
Bisque dies numero tenuit minus obice septem,
(Argiuæ hebdomadas gentis posuere magistri,
Septimanas recitant post quas nunc uoce Latini.
Tingite nunc calamo, Musæ, propriumque uocate
Carmen, et ignoto uentis properate secundis.
Cum placido steterint fontes, aperite poetam.)
Fungitur interea regno post anax in arce,
Akimannis castrum a priscis iam nomine dicta,
Nec Bathum ab aliis non pro feruentibus undis.
Costis pentidies fuerat quam quondam honore
Bradifonus domino Moyses sacrarat amore.
Aduenit et populus pariter sine nomine turmæ,
Quin etiam ferro syncipite rasi corona.