# Epitaph of Archbishop Theodore (ob. 690)

Hic sacer in tumba pausat cum corpore praesul
   Quem nunc Theodorum lingua pelasga uocat.
Princeps pontificum, felix summusque sacerdos
   Limpida discipulis dogmata disseruit.
[…]
Namque diem nonam decimam September habebat,
   Cum carnis claustra spiritus egreditur,
Alma nouae scandens felix consortia uitae,
   Ciuibus angelicis iunctus in arce poli.