# Prefatory epigram to his Commentarius in Epistulas Septem Catholicas

XXV
Iacobus Cephas Iohannes Thaddeus uno
Spiritus excelsi flagrantes lumine septem
Conscripsere saris celestia* dona libellis;
Que* maneant sine fine pios, sed et ira per evum*
Quanta abdat ceco* baratri sub carcere sontes,
Oris apostolici concordi voce profantur.
Mystica nos quorum lecturi dicta preamur;
‘Spiritus alme veni nostrumque iuvato laborem,
cui facile est donare tui sublimia, ut alto
sufficient humiles penetrare oracula sensu.’
XXVI
Primus apostolica canon docummenta ministrat,
Nicenaque secundus habet saluberrima dicta;
Tertius Ancirana tenet moderamina vite
Cultricemque sonat cordis Neoesara quartus.
Pontifices Gangren quinto coluere boatu.
Antiochiam celebrat sextus sermonibus urbem,
Septima felices sensit Laodicia patres.
Te quoque, Constantinopolis, octavus honorat
Scribitur et nono ius Calcedona coruscum.
Eximia decimus dat conciliamina Sardis,
Extulit undecimus clara Carthagine scripta,
Ultimus angelico te personat, Affrica, sistro.
XXVII
Omnipotens Mesia soter, adde legentibus auxin,
Tu sophia summa, te deprecamur imi,
Tu panis, via, latex, fons, vita vitalis,
Funde tua tuis dogmata, Christe, dulis.
Oro, meum, domine, supplex, reicere carmen
Nunc, exoro, noli; crimina dira mea.