Epitaph for Oswald, archbishop of York
Conspicuum retinet bustum memoranda per ævum
Membra locata patris, præsulis eximii
Oswaldi; meritis vivax et pectore gnarus
Qui fuit, et cultor exulis et miseri.
Psalmicen assiduus non noverat otia plectri,
Ad vitam properans, sancta canens obiit,
Normam sectatus Christi, Qui lavit alumnis
Plantas, hic etiam laverat ipse suis.
Illum tunc rapuit, quem nunquam pectore sprevi*,
Septem cum gradibus explicitis abiit.
Finem cum ense brevians mortis quoque fine
Astris plus rutilum vivere facta canunt.