Verses on the Trinity
Mente canam Domino grates laudesque rependens
pro cunctis tribuit quae sacra mihi gratia Christi.
Credo Deum patrem, uerbo qui cuncta creauit,
qui genitor rerum mundum sub lege cohercens
et nulla sub lege monet cui condere uelle est,
quem frons nulla uidet sed totum conspicit ipse.
Credo Deum Christum passus qui cuncta notauit
omnia pacificans unum qui fecit utraque
qui deus et homo natura perfectus utraque
certa salus constat uitae spes unica terris
qui regit aetherium princeps in principe regnum
credo Deum pariter summum te spiritus alme
qui caelo ueniens purgasti crimina mundi
multiplicique hominum replesti pectora dono.