# Verses from his Translatio et miracula S. Swithuni

Pandit hic ex multis miracula pauca libellus
Per meritum sancti quae fecit rector Olimpi,
Pontificis nacto Swiðhuni corpore sacro.
Annis ante tribus quam de tumulo traheretur
In somnis presul homini comparuit almus,
Per quem canonico mittit sua iussa potenti.
Sancte Swithune pater, per quem medicamina confert
Aegris corporibus cuncticreans Dominus:
Te precor huic priscam mulieri posce medelam,
Clara sit ut populis alma fides Domini.