Lux mundi laeta, Deus, haec tibi celeri cursV Alme potens, scribsi, soli famulatus et unI, Vt te, vita, fruar teque casto inueniam cultV. Rectaque per te ad te ducente te gradiar uiA. Excelse cernis Deus, quae me plurima cingunT Nota et ignota tuis male nata zezania satiS. Tu sed mihi certa salus spesque unica uitaE Inmeritum licet lucis facias adtingere limeN. Verba nam tua ualida imis me tollunt AuernI; Sola haec misero mihi te, uitam, dabunt seruulO.