# Verses from a letter to an unnamed correspondent

In caelo flagrans iam iustis vita perennis,
Qua sancti semper fulgebunt lumine pulchro
In regno patris, ceu clarus Titan in orbe,
Atque per augustam Hierusalem voce tonantem.
Sic Dominum semper laudant sine fine dicantes,
Et sanctas partier concinnant ore per auras.
Hic iugiter celebrant excelso carmina Christo;
Quem chorus martyrum sic simul omnis orabit,
Multum de Domino gaudens, de pectore multas
Effundens laudes gratans hominique Deoque,
Laetior ora modis attollens placida miris.
Crede mihi, quia te summo conplector amore.