# Introit tropes for the Annunciation (5)

# G2i
Contio uatidicis iam concine gaudia bombis: *Rorate caeli*
Cum patre principium moderantem iura polorum: *aperiatur terra*
Munere matris ouans et uirginitate triumphans: *et germinet.*

# G2j
Germinis excelsi uates magnalia cernens,
flamine praesago ructans ita prouide fatur: *Rorate caeli*
Altithroni uerbum decus, auxiliumque piorum,
quo pia nascendo maris inclita stella, Maria: *aperiatur terra*
Conceptura Deum proprium genitura parentem: *et germinet*

# G2k
Hoc psalmista iubar sic praedicat atque prophetat: *Ps. caeli enarrant*

# G2l
Multplici iubilo nunc edite carmina laudum, eia: *Gloria patri*

# G2m
Splendidus aduentum Gabriel denuntiat almum,
ueridicaque nitens Esaias uoce resultat: *Rorate caeli*
Inclita celsithroni fundentes germina Christi: *et nubes pluant*
Qui pius aeternum renitet sine tempore regnum: *aperiatur terra*
Virgo Maria uirens, speciali munere gaudens: *et germinet*