Poem on the Venerable Bede
Bæda dei famulus facundo famine fretus
Ædidit hos libros sacro spiramine plenus
Dulcisonis cantis metrorum carmina pipans
Arbiter immenso quem ditat munere IHC.
Largifluis libris praefatus fulsit in orbe 5
Ex quis ornatus foecunda britannia splendet
Claraque perpetuae pandens misteria uitae
Taliter inuitans ad caeli regni phalangas
Omnibus hic sanctum digessit dogma salutis
Restaurans animo fretus caelestibus armis. 10
Quinque sacrae claues dicunt perstare sophiae:
Quarum prima frequens studium nescita legendi
Altera quae religis memori committere menti
Tertia quae nescis per crebra rogatio rerum
Quarta est uerus honor sincero corde magistri 15
Quinta iubet mundi uarias contemnere gazas
His te si dederis poteris perfectus haberi.