Epitaph of Berhtwald, archbishop of Canterbury (d. 731)
Egregii patris Berthwaldi corpus humatum
tumba tenet praesens, more sacrum solito.
hanc in carne manens proprio pius ore iubendo
artificum manibus fecerat ipse sibi,
quem deus ecclesiis, quas ampla Britannia late
diffusas retinet, censuit esse patrem.
atque adeo ingentis magno auxit munere doni
precipui decorans nobilitate gradus,
salus ut illum pontificii preibat honore,
regmine qui fruitur sedis apostolice.
ecclesiamque suam ter denos rexerat annos,
octonosque simul, semper amore pio;
perfecte, ut decuit, postquam iam cuncta peregit
ordinis iniuncti munera sacra sibi,
terque quaterque decem transactis ac tribus annis
extremum etatis clauserat ipse diem;
cuius mox anima credenda est ut soluet alto
gaudia namque deo summa petisse polo,
aeternaeque frui per secula lumine vitae,
ac facie ad faciem cernere leta deum.
dictanti titulum mihi te sancte oro sacerdos
succurras precibus semper ubique piis.