# J2 - Epigram intended for a biblical codex

Eloquium domini quaecumque volumina fundunt
spiritus hoc sancto fudit ab ore deus.
Esaias domini cecinit miracula vates
atque evangelicis concinit ore tubis.

# J3 - Epigrams accompanying a volume of Bede’s Poetry [= the Liber Epigrammatum? addressed to Albinus of Canterbury?] [ed. M. Lapidge, EHR 90 (1975), p. 819]
Hos, Albine, tibi, merito venerabilis abba,
versiculos scripsit verbi celestis amator
Beda, dei famulus, mira quos carminis arte
composuit doctor, nostro qui clarus in orbe
extitit: ingenii cuius monimenta refulgent
plurima temporibus nullis abolenda per ęuum.