# Epitaph of Bugga, daughter of King Centwine

Hic Christi vernae corpus sub marmore iacet:
supremus mundi concludit terminus isthic
quam famulam prisci vocant de nomine Buggae.
illius nam gregem sociavit denique Christo;
plurima basilicis nutrit pignora puella.
artibus est multis edocens et semina serens,
sancta suffulta prorsus virtute tonantis.
ast hoc nam templum construxit arte perita,
qua nunc Christicolae laudant simul ore tonantem:
turba fratrum geminis adstant et turba sororum
classibus, concinnent praeconia regi polorum.
Coentuuini haec etiam fuit en pia filia regis
dapsilis et clemens, Christi pro nomine felix. . . .
ter denis egregium servansque ovile decenter
quattuor et simul annos pia rite regebat.