Auge potens speculans speculator gentis Anglorum Assecla gregei Dunstane curagulæ. Tu [. . . . .] lepos, lex quotidiana, V[erbi potens] verax rethoris Ausoniæ. O [. . . .] is habens tripplicis discrimina linguæ, Pervolitans rumor implet ovile tuum. Cingula utrinque tuæ redolent abdomine Pauli, Qui fuit ipse Dei gratia sola quod est. Scilicet exemplar prophetarum luce coruscans, Perversos stolidos corripiensque doces. Instar Hieremiæ infundens luctabile carmen, Psalmodias replicans sæpe Deum alloqueris. Inde super nardum fragrat tuus odor in aula, Quæ meminit moderans simbola apostolica. Emulat adomenon, psallomenon, aulomenonque Armonias omnes, psallere laude tua. Arcitenens tandem superabis fræna Bachantum Tissiphone cincta temporis id comitum. Dextra Minerva protexit edem insæviente Philippo, Sic operæ pretium est, subvenias citius. Oratione tua seu forte inlaqueantur iniqui, Qui actuum usurpasse jura aliena avide. Discriminando Deus videat molimina sparsa Coelotenus servans teque tuosque. Satis.