# Prayer for an ecclesiastic

Eripe caute piis monitis precibusque sacratis
Commissum tibimet pastor ab hoste gregem,
Ut tua laus maneat merces et gloria semper.
Cum Christo in caelis regna beata tenens
Principi apostolico Petro coniunctus in euum
In terris uicem cuius et ipse geris.
Te Deus aeternus mundi mitissimus auctor
tempore longeuo protegat atque regat.
Ut ualeas uigeas sanus et prospera captes
hic et in aeternum regna superna metas.
Te uigilem seruet qui non dormitat in aeuum.