Epitaph of Ecgwine, bishop of Worcester (d. 717?)
Rupe sub hac uili tegitur uir summus, et urna
Clauditur angusta, quem subuehit alta per orbem
Veri fama uolans. Genus hic spectabile duxit
Et mores habuit preclaros magnaque gessit.
Ecclesiam fecit quam nunc dicunt Eouesham;
Ditauit terris, et multa nobilitauit
Libertate locum. Qui regni iura tenebat
Omnimodam scripsit, subscripsit curia regni
Et qui Romanam sedem tunc papa regebat
Confirmauit eam proprio testante sigillo.
Vita migrauit cum solis per Capricornum
Tertius ac decimus medians existeret ortus.