1. Arce summa, 2a. Ecce, plebs aurea rutilans gloriosa [ac splendida] 2b. Stola incorrupta praedita et corona sempiterna; 3a. Quam lux immensa replet alma, pax et perfecta praebet gaudia infinita [per secula] 3b. Christo per saecla pretiosa cantica sacra voce iubilant indefessa et excelsa, 4a. Alma vota rependentes mente cernua ac devota, […] 4b. Claras odas concrepando voce consona laetabunda ac sonora. 5a. Nostraque tibia intima et modica musica cantat modulamina iam canora [et lucida] 5b. Illi, qui supera, infera ac media magna gubernat sapientia sua, sancta, veneranda. 6a. Cuius clementia redemit saecla, cum morte victa surrexit iam tertia die clara; […] 6b. Sol, luna, sidera, noxque diesque a quo reguntur; cui nunc et militant elementa universa. 7a. Ipsi sola immensa 7b. Semper atque excelsa 11. Gloria sit et honor lausque aeterna.