Diebus Dominicis
1. Laudent condita
omnia pulchra,
2a. Phoebus, stella,
nox, cynthia,
dies, arva, freta,
2b. Qua virtute,
quo munere,
qua possint gloria,
3a. Dextram omniferam
Dei, plasmatricem
sapientiam.
3b. Canant ac cymbala
nunc nostra tinnula
modulamina,
4a. Clementiam
salvatricem eiusdem
divae sophiae almificam,
4b. Quae fulgida
praeviatrix invitat
pia agmina christicola
5a. Peribola
ad speciosa portarum
Sion, ultra Iacob
decora tentoria.
5b. Qua rutilat
trinitas illa beata
sui praesentia
electis revelata.
6a. Qua pax summa,
qua splendor,
qua decus vernat,
aula gemmea,
plebs aurea,
rosa purpurea
qua spirat ac lilia.
6b. Ecclesia
qua clamat
Hosanna celsum,
et qua Cherubim
et Seraphim
Sanctus ter repetit
aeterna cum gloria.
7a. Nos beabili qua palma
redimitos coniungat
7b. Ipsa multiplex bonitas,
per se cuncta quae salvat;
8. Sit cui doxa.