# De Sancto Augustino (of Hippo)

1. Aulae rutilae
micantem iubare,
fratres, eia,
2a. Concelebrent
iam sonora
2b. Laude sancta
cordis ora
3a. Confessorem
Augustinum
pollentem caeli vita,
3b. Capientem
pro merito
praemia permansura.
4a. Quem multis praefore sacra
fecit plebibus Dei dextra,
4b. Quo eius sequentes dogma
possent scandere poli celsa.
5a. Per quem plurimas
virtutes, multa miracula
5b. Virtus divina
facit plurimis profutura.
6a. O caeli splendida gemma,
mente poscimus te benigna,
6b. Quo nostri recites Christo
cordis pia desideria,
7a. Quo sancta vita
decoremur in terra
7b. Atque corona
requie in beata,
8. Ubi cantemus semper Alleluia.