# De sancta Cruce

1. Gaudeat
fidelis plebs universa,
2a. Clara cantans cum gloria
fulgida crucis dona,
2b. Hostis quae stravit imperia
liberavit et arva.
3a. Salus iucunda nobis
ex qua floret,
felicitas
fulget atque serena;
3b. Ex qua munera sancta
[cuncta] stillant,
pax procedit,
vita micat et alma.
4a. Siderea
per quam regna patent,
gaudia
manant et superna.
4b. O crux sancta,
te laude canentes
virtute
tua rege pia
5. Omnia
per tempora.