1. Cantent te Christe, nunc nostrae camoenae voce pulchra, 2a. Qui humili eligis de mundi pulvere gemmas egregias, 2b. Angelica et intra collocas culmina luce eximia. 3a. Quas mirantur auriflua regna sublimia, 3b. Nil his colunt et dulcius saecla fidelia. 4a. O quam inclita, Deus, in ara crucis effudisti talenta, 4b. Gemmas ut istas sola deitas tua possideret tam pulchras! 5a. Quarum puritas tua est caritas; 5b. Quarum dignitas caeli est claritas. 6a. Munera haec clara mittit hinc ecclesia tibi, o patria superna. 6b. Qua propter exsulta, felix o paradise, harum splendoribus coruscans. 7a. Gemmis his mundus fulgorat; polus et rutilat. 7b. Decus his pollet radians omne per saecula. 8. Laus tibi, rex, sit, Christe, nobis et corona detur alma.