# De Sancto Iohanne Ev.

1. Laus harmoniae
resultet: alleluia.
2a. Matre fecunda
Domini gratia
proles adest eximia
2b. Evangelista
Iohannes, divina
annuntians praeconia.
3a. Velut aquila
figens lumina
in alta
deitatis arcana,
supergrediens omnia
cordis oculo condita;
3b. Mente liquida
contemplans illa
excelsa
voce palam prolata;
“in principio cum patre
erat verbum per saecula.”
4a. Hic de adoranda
deitate plurima,
Christi atque de humanitate
scripserat,
Omni mundo salubria,
4b. Ipse et defunctam
excitavit viduam,
Ipse et lapillos claritate
gemmea
Compsit virgas et aurea.
5a. Post tanta talia
per eum patrata
Christi magnalia,
5b. Nonagenaria
novena addita
transacta iam vita,
6a. Salvator a summa
6b. Descendens patria,
7a. Dilectum ad regna
voce aurea,
7b. Et apostolica
ad convivia
8a. In patria
angelica.
Nos, Iohannes, adiuva,
8b. Ut eadem
sempiterna
[…]
9. Consequamur gaudia.