Metrical Calendar of York
[Prima dies Iani est qua circumciditur agnus.
octauas idus colitur theophania Christi,
Deserti quartas primus capit accola Paulus.
Sex decimas Antonius obtinet aeque kalendas.
Tres decimas Sebastianus tenuisse refertur.
Bis senas meritis mundo fulgentibus Agnes,
Martirio undecimas et Anastasius memoratur.
Prima dies Februi est iam qua patitur Policarpus,
Et quartas nonas Christus templo offerebatur.
Nonarumque diem festum celebramus Agathae,
Atque Valentini sedenis sorte kalendis.
Sic Iuliana et bis septenas ornat honore,
Ac senas meriti Mathias uirtute dicabat.
Hinc idus Martis quartas Gregorius aurat.
Cuthbertus denas tenuit ternasque kalendas.]
Bis senis sanctus post quem sequitur Benedictus,
Octauis merito gaudet conceptio Christi.
Alque Georgius hinc euectus ad astra uolauit,
Carnif[ic]es nonis Maiae uincente kalendis.
Ecgberhtus digna uirtutum laude [choruscus
Astriferum octauis ueneranter scandit] Olympum.
Quoque die praesul penetrauit Uilfridus alma,
Angelico gaudens uectus trans culmina coetu.
Uilfridus et ternis superam penetrauit in aulam,
Tempore posterior, morum non flore secundus.
Iacobus seruus domini pius atque Philippus
Mirifico Maias uenerantur honore kalendas.
[Sanctus et antistes nonas uolat alma Iohannes]
Bis binis sequitur Pancratius idibus insons
Ter quinis Marcus meruit pausare kalendis.
Iunius in nonis mundo miratur ademtam
Et summis Tatberhti animam trans [s]idera uectam.
Atque die uincens ea[n]dem Bonifatius hostes
Martyrio fortis bellator ad astra recessit.
Inque suis quadris Barnaban idibus aequat.
Gerbasius denis patitur ternisque kalendis
Protasius simul in regnumque perenne uocati.
Estque Iohannes bis quadris baptista colendus,
Natalis pulchre feste plaudente corona.
Martyrio et Paulus senis ouat atque Iohannes.
Doctores Petrus et Paulus ternis sociantur,
Maxima quos palma clarat sibi lumina mundus.
Iulius in quadris bis gaudet ferre kalendis
Iacobum fratremque Iohannis more colendum
Sanctificant Abdo et Sennis ternos uenerando.
Augustus Xystum octauis tenet idibus aptum.
Bis binis uictor superat Laurentius hostes.
Sancta dei genetrix senas ter constat adire
Angelicos uecta inter coetus uirgo Kalendas.
Octonos sanctus sortitur Bartholomeus.
Bis binis passus colitur b[aptista Io]hannes.
Idus Septembris senas dedicabat honore
Quis meruit nasci felix iam uirgo Maria
Octauas decimas Cornelius inde kalendas
Consecrat, et Cyprianus [simul] ordine digno.
Eufemia ac sex decimas tenet intemerata.
Undecimas capit et Matheus doctor amoenus,
Mauricius decimas [tenet] martyr cum milibus [una].
Quinta[na]s sortitur Cosmas sibi cum Damiano.
Michahelis ternas templi dedicatio sacrat.
At[que] bonus pridias micat interpres Hieronymus.
Sextas octembris nonas Bosa optat habere
Sollemnis terris summo qui gaudet Olympo.
At gemini quinis Haeuualdi sorte coluntur.
Paulinus senas metet idus iure magister.
Doctor ter quinis Lucas succurre[re] kalendis.
Simonis quinis et Iudas uota feramus.
Multiplici rutilet gemma ceu in fronte Nouember,
Cunctorum fulget sanctorum laude decorus.
Martinus ternis scandit super idibus astra.
Quindecimis uitam finiuit Tecla kalendis.
Caecilia ast[ra] merito decimis cum laude migrauit.
Clementis laeti ueneramur festa nouenis.
Octauis Crysogonus ouat uitalibus armis.
Andreas pridias iuste ueneratur ab orbe.
Tres decimas adit iam Ignatius aeque kalendas.
Bis senis caelum coepit conscendere Thomas
Octauis Dominus natus de uirgine casta.
Martyrio Stephanus septenis alma petiuit,
Bis ternis euangelicus scriptor penetrauit
Angelico uectus tutamine uirgo Iohannes.
Martyrio tenera prostrantur milia quinis.
Siluestrem pridias celebramus ab orbe uerendum.