# Octosyllabic prayer for St Athelwold Celi senator inclite Sancte pastor ecclesie Adelwolde, supplices [nos] Tuos exaudi seruulos Iam sidus inter sidera Resplendes super ethera, Nobis benignus impetra Paracliti Karismata. [P]ronis rogamus mentibus Hic coram tuis artubus Nostris adesto precibus Serenus ac propitius. Ut tuis necessariis Protecti patrociniis Ad celorum perpetua Perueniamus gaudia, Prestet nobis Ingenitus Hoc atque Unigenitus Sanctus amborum Spiritus Trinus et unus Dominus.