Oratio matutina[lis]
Ambulemus in prosperis
Huius diei luminis
In uirtute altissimi
Dei deorum maximi
In beneplacito Christi
In luce spiritus sancti
In fide patriarcharum,
In meritis prophetarum,
In pace apostolorum,
In gaudio angelorum,
In uia archangelorum,
In splendoribus sanctorum,
In operibus iustorum
In uirtute monachorum
In martyrio martyrum
In castitate uirginum,
In Dei sapientia
In multa patientia,
In doctorum prudentia,
In carnis abstinentia,
In linguae continentia,
In pacis abundantia,
In trinitatis laudibus,
In caritatis sensibus,
In bonis semper actibus,
In formis spiritalibus,
In diuinis sermonibus,
In benedictionibus:
In his est iter omnium
Pro Christo laborantium.