O Ramesiga cohors, amplis quae claudere stagnis,
   Purior obizo niteris esse deo.
Vasta palus, piscosa nimis, sua dindima pandit,
   Ut nova sint heremi claustra reperta tibi.
Nam qua coruifere consurgit proditor hydre
   Insula siluoso gurgite pulchra nitet
Et qua splendentis se mergunt lora Bootis
   Pons est inde suis peruius Angligenis.
Qua Cynosura poli fixum regit undique girum,
   Anguillosa palus nescit habere modum,
Unde refert umbras, uaga lux, Phebea sinistras,
   Terra patet, nullo continuata uado.
Huc me sorte dedi ignotis ignotus alumnis
   Quos Benedicte pater iure tuere pares.