# Poem on a Church dedicated to SS Peter and Paul (Aldhelmian cento: based on CE) Hic Petrus et Paulus, quadrati luminaria mundi, Precipui patres, populi qui frena gubernant, Carminibus crebris alma venerantur in aula: Claviger etherius, portam qui pandit in ethra Candida celorum recludens regna tonantis, Maximus et doctor patulo vocitatus ab axe, Vasclum Nazorei qui gestat nomina natus. Hanc domum eterno vallantes iure tuendi Vocibus assiduis aures prebete benignas, Sacra frequentantes aulae qui limina lustrant!