# Prayer to Christ on behalf of the English king Gloria uictori sit Christo laude perhenni Qui super astra manet, cuius uictoria pollet Pro mundi uita persoluitur hostia uiua Quam mors dum mordet necis in se tela retorquet. Per mortis pretium Pharaonem uicit iniquum Et spolians Herebum nobis dedit astra polorum. Ecce preces nostras quas fundimus audiat istas Cunctos qui proprii nos sanguinis abluit undis. Moribus ornatum Salomonis fonte repletum Poscimus Anglorum nostrum saluet basileum. Poscimus et nostram saluet Christus basileam Nobilem atque piam gestantem dogmatis ydram. Presulibus nostris subiectis cum sibi totis Angligenis turmis concedat dona salutis. Nostro pontifici cuius sumus in diocesi Det regnum uite qua scandit et ipse superne.