Dilige, care Deo, scripturae discere causas, Felix ut possis rerum cognoscere causas; Celsa tenet nam bis binas sapientia claues. E quibus in primis industria magna legendi est; Inde secundo loco fit percunctatio crebra; Tertia quae sequitur contemptus diuitiarum est; Debita doctorum fulget ueneratio quarta. Quattuor hae claues caelestis uerba sophiae Rite tibi reserant, lector, si diligis illas; Frater, amate mihi, idcirco te sedulus oro Clauibus praedictis operam dare meque memento, Ut precibus Domino semper commendes in almis.