# Verses addressed to Siweard, abbot of Abingdon, on the Assumption of the Virgin Mary Assumpta est Maria ad caelestia: Alleluia! Assumptae matri occurrunt simul et paradoxa Mater uirginea nunc caelica regnat in aula Communis aeterni millena milite septa Angelici ciues magna comitante caterua. De sua caeligenis conciue tam generosa Angelicisque choris resonantibus Alleluia. Alleluia Deo tibi soluimus est quia su[mma] Progenitam super exaltant prosapia Dauid. Caelicola felix quia terque quaterque beata Caelo laudetur [toto nunc] uirgo Maria. Ad thronum maiestatis hanc extulit almi Ingeniti unigena tum congaudentibus illic Exultant et apostolico cetui sociantur. Regi quo regnum famulus sit pronus in aethra. Ast tibi uirgo decet laus gloria magnificata Alma chorus patriarcharum pariterque prophetae Laudibus alternis reboant ‘Aue, uirgo Maria.’ Ante Deum superat tolli que sic meruisti Insere Siweardum celi septemplicis aula Augustamque potentatus summi ante tribunal Mater et alma Dei genetrix felixque Maria Accipe deuotum tuimet famulatus honore. Virgo petit celum; facit exultatio uersum. Lege sua si mentis adhuc modus utitur in me. Et dextre si forte mee non error habundat. Hanc ut res protestatur sapientia struxit Urbem septenus quam sic septemplicis orbis Ambitus ambit eamque aditis patentibus unus Exitus introitus aperit claudensque recludit. Hanc tibi nunc, Siwearde pater, pro munere dedi. Officiosus in officio tibimetque parebo. Testificans tibi maiorem sub Christo et amorem Qui minus adtendit dantur sibi quanta sed ex quo His prelibatis Christo uale, uiue, ualeto.