Verses on the sacred vestments (6)
Ad superhumeralem
Virtus summa, Deus, cunctorum rector opimus,
Tu benedic nostrum quo nunc ornamur amictum,
Ut seruire tibi ualeamus corde pudico.
Ad albam
Vestibus angelicis induti, rex pietatis,
Poscimus libare pium libamen odoris,
Ad citius delenda male contagia mentis.
Ad cingulum
Scrutator cordis et caste mentis amator,
Tu lumbos precinge meos, Deus intime iudex,
Mortificans prauos in casto corpore mores.
Ad stolam
Colla iugo subdendo tuo, Deus alme sacrator,
Ad cuius dignum pretiosa morte sepulchrum
Virtus angelica considerat ordine munda.
Ad casulam
Spes aeterne Deus cunctorum certa salusque
Tu memor esto mei toto te corde petentis
Exequor ut dignus coelestis munia uite.
Dumque meis manibus trectator mistica uirtus,
Dispereat quicquid contraxit ordo ueternus.
Ad manipulum
Qui super astra sedes, qui regni sceptra tuearis,
Summus adesto michimet tua iussa sequenti.
Adque leuam capiti complexibus adhibe dextram,
Ut ualeam casta tibi sistere perpete uita.