Pastor apostolicus, Wulfhelmus, nomine Christi In terris clarus, cunctis laudabilis, usque in Regna Redemptoris regalis regmine recto Possideat, regnet, teneat, servet, regat atque. Ut quando præsul sublimis sæcla per ignem Advenerit purgare, locu[tu]s eritque, “Venite, “Percipite æthereum Patris regnum, benedicti, “Principio mundi quod vobis nempe paratum est:”– Sic invitetur postrema luce dierum, “Euge veni, quoniam bone serve in pauca fidelis “Tempore transacto mansisti, gaudia regni “Suscipe coelestis Domini venerabilis, Amen.”