Grave

Grave 1.	ðe wes bold gebyld, er þu iboren were.
Grave 2.	ðe wes molde imynt, er ðu of moder come.
Grave 3.	Ac hit nes no idiht, ne þeo deopnes imeten;
Grave 4.	Nes gyt iloced, hu long hit þe were.
Grave 5.	Nu me þe bringæð, þer ðu beon scealt.
Grave 6.	Nu me sceæl þe meten and þa molde seoðða.
Grave 7.	Ne bið no þin hus healice itinbred:
Grave 8.	Hit bið unheh and lah, þonne þu list þerinne.
Grave 9.	ðe helewages beoð lage, sidwages unhege;
Grave 10.	þe rof bið ibyld þire broste ful neh.
Grave 11.	Swa ðu scealt on molde wunien ful calde, Dimme and deorcæ.
Grave 12.	þet den fulæt on honde.
Grave 13.	Dureleas is þet hus and dearc hit is wiðinnen.
Grave 14.	ðær þu bist feste bidytt and dæð hefð þa cæge.
Grave 15.	Ladlic is þet eorðhus and grim inne to wunien.
Grave 16.	ðer þu scealt wunien and wurmes þe todeleð.
Grave 17.	ðus ðu bist ilegd and ladæst þine fronden.
Grave 18.	Nefst ðu nenne freond, þe þe wylle faren to,
Grave 19.	ðæt efre wule lokien, hu þe þet hus þe likie,
Grave 20.	ðæt æfre undon ðe wule ða dure
Grave 21.	and þe æfter lihten.
Grave 22.	For sone þu bist ladlic and lad to iseonne.
Grave 23.	For sone bið þin hæfet faxes bireued;
Grave 24.	Al bið ðes faxes feirnes forsceden;
Grave 25.	Næle hit nan mit fingres feire stracien.

A Consolidated Library of Anglo-Saxon Poetry